Ата-аналармен жүргізілетін жұмыстардың нәтижелі болуы үшін ата-ана мен лицей арасындағы қарым-қатынасты нығайту мақсатында ағымдағы жылы Қостанай қаласындағы дарынды балаларға арналған қазақ-түрік лицей-интернатында «Парасат» ата-аналар академиясы құрылды.
Осыған орай, 2011 жылдың 19 қараша күні директордың тәрбие ісі жөніндегі орынбасары Ержан Мырзабаевтың басшылығымен «Жауапкершілік сезімін балаға қалай үйретуге болaды?» тақырыбында ата-аналарға арналған семинар өтті.
Семинардың мақсаты - лицей, ата-ана, ұстаздарды ұрпақ тәрбиелеу ісін біріктіру, ата-аналардың бала тәрбиелеу ісінде алатын орнын көрсету.
Семинар барысында «Дарынды балаларды тәрбиелеуде ата-ананың рөлі» тақырыбында слайдтық бейнелер көрсетіліп, ата-аналарға түсіндірілді.
Ата-аналар тақырыпқа байланысты өз ойларын ортаға салды.
Семинар оқушылардың бірінші тоқсандық қорытындыларын талдау мақсатымен, сынып ішілік жиналыспен жалғасын тапты.
Қостанай қаласы, дарынды балаларға арналған қазақ-түрік
лицей-интернаты
| < Предыдущая | Следующая > |
|---|